...........
نبيل عبد الحليم
..............
(نار البعاد )
ياقاسى علينا ازيك
علمتنا القسا زيك
ضى العيون ممدود
من ضيك
والقلب مات
فى الحب وف غيك
لية ننول القسا منك
انت عارف اصلا إنك
موتى يكون م البعد عنك
قولى اية فى البعد ظنك
لية تقلت معايا دمك
لية تكون الشكوى منك
لحد امتة يطول غيابك
فى الغياب بيزيد عذابك
قولى اية بس اللي صابك
انت عارف انت يالى
ملكت حتى نبض قلبى
فى الغياب انا اية حصلي
من غير وضوء بقوم وصلي
العقل صابة الجنون
والنوم خاصم العيون
والدموع كوت الجفون
لو غيابك راح يطول
فى المنام أحضر نادينى
يمكن يجف دمع عينى
ويهدى نبضى اللى كاوينى
يمكن منامك يداوينى
قولى اية بينك وبينى
وفى البعاد فينك وفينى
حرام عليك بيزيد انينى
انت اصلا نن عينى
وف الغياب تضيع سنينى
يمكن ترجع ما تلاقيني
لو غيابك راح يدوم
ابعتلى قطعة م الثياب
نشم ريحتك فى الهدوم
تزيح من على عينى الضباب
حلفتك بحق الكتاب
طمنى حتى بجواب
الا خلاص العقل غاب
وانت عارف قلبى داب
وخوفى عليك يوم الحساب
سفكت دمى بالغياب
اقولك اية قلبى عليل
وشكل الدوا صبرا جميل
بقلمى
نبيل عبد الحليم
29/4/2020
ليست هناك تعليقات:
إرسال تعليق