................
مصطفى فريد
................
المسحراتى
الحلقة الاولى
للشاعر/مصطفى فريد
مسحراتى داير انادى
فى كل وادى أقول ياهادى
أحرس ولادى وانصر بلادى
على الاعادى والطماعين
نبضى فى قليى
بيدق طبلى زى اللى قبلى
جادل فى حبلى بحرى وقبلى.
عناقيد بتضوى بهجة وحنين
الواد قناوى فلاح وغاوى
يبدر تقاوى تطرح غناوى
وبعزمه ناوى مايسبش فاسه
مين قده مين
أرضه مراعيها بيخاف عليها
طول عمره فيها عرقه راويها
حياته بيها يديها ياخد
أهو كله دين
ياهناه يافرحه دا معلى صرحه
فى وقت طرحه جامع فى قطنه
عباه فى حضنه حاصد لقمحه
لاجل العجين
با نادى دايما الله ربى وهادى قلبى
فى كل وقت وكل حين
إدعى لربك يغفر لذنبك ويخف جرحك
ويعم فرحك وتروق ملامحك ويمد لينا
شهره الكريم
ليست هناك تعليقات:
إرسال تعليق