................
ديوان خرابيش
........
كان بودي
كان بودي ألاقي نفسي
تفرح ولو يوم
من أيام عمري
لكن القدر معاندني
وحاططني وشايلني
وحاسس كأني
ريشة طايرة
في الهوا
مطرح ما توديني
بتودي
لافي يوم ريست
ولا أبدا أبدا هترسي
ولو أتكلمت مع نفسي
كلامي بيوجعني
ولو قلت آه
ما لاقي حد سامعني
لحد مااطبطب
على نفسي
وكان عشمي
حد بس يسمعني
يحس بيا ويندهلي
مظلوم معايا
يا قلبي
حتي ال حبتهم
باعوني ونسيوني
وياما قسيت
ومن دموعي
حطيت وبكيت
وماسمعوني
وقلت ياريت
ماحبيت
ولافي يوم مشيت
ورا قلبي
عادل عقل مصر الإسماعيلية في 27-42020
من ديوان خرابيش
ليست هناك تعليقات:
إرسال تعليق