.............
عزالدين الحميري
.........
ماتغيب عن البال:
في كل لحظة ماتغيب عن البال
ياللي تملكت القلب ورمش العين
حضورك تراه يريح الروح والحال
ولا مبسمك من يهل يسعد يازين
صورتك تشبه شمس الصبح وهلال
الليل نورك ضاوي وأنا بحلاك رهين
المشاعر لك كنها نهر جاري وشلال
صعب تغفى العين والقلب يستكين
أريدك ماتغيب لحظة وتخلي الوصال
يستمر بسكة الشوق والغرام والحنين
صوب دارك العين والقلب تشد الرحال
من يتعب البال وحالي يتغير ويشين
يرتاح كلي من زود الغلا وشوف الدلال
من يسامر حرفك حرفي بكل وقت وحين
يازين الوصف بجمالك وتتعدد الخصال
بمعاني كلامي وكل شطر ولايظل دفين
علم قلبك واحساسك يكون بريد ومرسال
ولايكون مجاملة لبوحي وأريده يقين
شبيه اللي زرع محصوله وبانت الغلال
مواسم خير وسعادة لصاحبها بكل السنين
@عزالدين الحميري@
ليست هناك تعليقات:
إرسال تعليق