ديوان أكاليل الإلكتروني لسفراء القلم

..........

عبدالمنعم عدلى

...............

بهيه
عبدالمنعم عدلى..مصر
بهيه
أجمل صبيه
وشعرها فى ضفايرها
هلت علي
ساعة عصريه
وسحرتنى بعيونها
وهى بتقول موالها
فتاه وفيها الطمع
والأرض تحتها
كنوز مفقودة
الكل بيدور عليها
فى جمالها شموخ
وعراقة زمن فواح
عندما تنظر اليها
تروح فى عالم السحر
وتوه فى عالم الجمال
جزورها أصيلة
من نيلها لصحاريها
عاشق أنا
تراب أراضيها
والعين تبكى
وأنا بعيد عن أراضيها
يكفينى نظرة فى عينيها
ولو جعت
أشبع من خضرة أراضيها
يارايح ليها
وشارب من نيلها
بكره ترجع تانى ليها
وتعمر فى ديارها وأراضيها
بهيه
عشق كالدم يجر فى الشرايين
تعال وشوف
ناس حلوه فيها
والدنيا ألوان
فيها وعليها
هى بلدى ياساده
هى مصر
هى العشق
هى المحبوبة
هى الحانية
لا الجافية
أبغاها ياساده
وعندما أنام
على الوسادة
أحلم وكأننى فراشة
أطير فى سمائها حر
وأحط على أراضيها أمن
بقلمى عبدالمنعم عدلى