..............
محمد الادريسي
................
تحياتي وسلامي للجميع الصورة مع صديق العمر حفظه الله
قصيدة ...ضحكة ؤ تغوبشة....
ما بين ضحكة ؤ تغوبيشة
سكتنا ؤ لكلام كثير
طحنا طيحت الريشة
ف لبن رايب ؤ ختير
رفسونا لگمة ف تغميسة
ع الريق عصرونا عصير
القلب طلعاتو تبوريشة
والرمش فرفر باغي يطير
باغي يبدل هاذ العيشة
وحيوط مَطلية بالجير
يضرب فلاش وتگنگيشة
صافِ صافي مل لقزدير
لو كان جات غ تنشنيشة
ترشنا تبلل لحصير
يرطاب هو ؤ هاذ العيشة
كما رطاب ملبس حندير
يجي ع الظهر ك تفريشة
نرميو حلاسة التخدير
نرميوها كيف الريشة
لي طاحت من جناح الطير
سعى خداوها تبرهيشة
ضحكو ؤ كثرو التكركير
خلاو لينا غ التغوبشة
بالبصلة فطجين صغير
وصفوها بالحياة الدرويشة
والبصلة عرفتوها آش دير
دموع دموع وتنخصيصة
22 10 2021
محمد الادريسي
شكرا بحجم الكون على توثيق قصيدتي دام لنا هذا الصرح شامخا
ردحذف