.............
خالد فولان.
.............
اش غيرك
واش غيرك علي
ما بقيتيش كيف كنتي
ما بقيتي تسول في
ما يوصلني منك جواب
ولا يجيني منك مرسول
حبستي معاي و ما بقيتي
تتواصل
مالك على الحال؟
ما خليتي لي عقل
بغيت نوصل معاك لحل
ياك كنت معاك معقول
اش غيرك علي؟
وانا اللي مشيت معاك
بالنية
ياك قصتنا كان في كل البيوت
محكية
تتحاكا بيها الناس كل صباح
وعشية
اليوم قضيتنا ولات قضية
بايديك درتي ليها بداية
ونهاية
خليتينا قدام الناس شفاية
وجاوبني اش غيرك علي؟
ياك في قلبي دفنت اسرار
ما عاودت لخو ولا حبيب
ولا جار
في وجهي سديتي باب
الدار
خليتيهم بعدو مني وحسبوني
خطر
هكذا ولى حالنا وهكدا صار
اش غيرك علي؟
وانا اللي نخاف عليك
وكيفاش ضيعتيني من بين
ايديك
راه اللي عاود ليك
لا تكون غافل لازم يعاود
عليك
وانا ما بغيت نفرط فيك
وفي نص الطريق نمشي
ونخليك
ديما الساعة تعرف اللي معاك
واللي ماشي ليك
قلبي عطيتو ووهبتو ليك
عفاك الا ما قولي لي اشنو
غيرك؟
اش غيرك علي؟
يا مول النية والقلب
كبير
راه احنا كبار
وما بقينا صغار
ما تخلينا في لفام حكاية
يديرو منها قصة رواية
يتجمعو بينا على الصينية
وبقينا بيناتهم شفاية
كيفاش تمشي وانت سباب
مرضي ودواي؟
كنت نحطك على الجرح
يطيب
ما كنت نحتاج لمعالجة ولا طبيب
دغيا قدامي بغيتي تخيب
خسرتي معاي الهضرة ووصلتي
لكلام العيب
اش غيرك علي؟
اه على اللي يتيق في الكلام
المعسول
غاب الحق وحتى واحد ما بغى
يسمع لكلام المعقول
كلمات... خالد فولان.
ليست هناك تعليقات:
إرسال تعليق