ديوان أكاليل الإلكتروني لسفراء القلم

 ................

السيد حسن .

.............

يادوب ٱيام .

--------------

زمان وأنا لسه ع الحب صغير

كان في حاجات مفرحاني ..

قلت صعب ف يوم تتغير .

لوهم وكذبة وتبقى أماني ..

زى لحظة لاشتياق .

لما يكون بنا ميعاد ..

كنا بنلعن الفراق .

لأنه كان سبب البعاد ..

كان الزعل بيدوب .

والعتاب مالوش مكان ..

كان العشق ف القلوب .

مليان دفى و حنان ..

لكن الحب النهارده .

غير بتاع زمان ..

ديما نلاقى الفكرة شارده .

واللى فيه غدر وخان ..

واللى عايش زى وردة .

دبلانه من كذب بان ..

ف البداية كان مودة .

غش ف غش لحب هان ..

فين لما كان اللقى كلمتين ؟

تحسهم كل الكلام ؟!

فين لما كانت الساعات حرفين ؟

عايشهم بمعنى كلمة لانسجام ؟!

كنت بقول لنفسي أوعى .

يكون كل دا أحلام !!

نهايتها مر وأسى .

وحزن وندم و ألام ..

وارجع واقول ..مش معقول .

يكون الحب يادوب أيام ..

بقلم /السيد حسن .

4/11/2021