..............
زينب سليم أحمد
..............
..(((( إوعى تكمل
))))
===================
بس كفاية إوعى تكمل ... فاضل تاني إيه هاتقوله
قلبي خلاص مبقاش متحمل .. ضاع وياك العمر بطوله
عاوز تاني تكمل غش .. وتبدل في اليوم 100 وش
لاء كفاية خلاص متقولش ... وتزود ع قلبي حموله
بص فى عيني كدا بعنيك ..قول كان ناقصك ايه وعاتبني
عمري ماجبت الحق عليك .. مهما عمايلك كات تتعبني
كنت تهد وانا ابني جسور . . كنت لعيني الضيا والنور
جاي دلوقتي تقول معذور .. لأ وكمان عمال تحاسبني !!
غلطة عمري إننا حبيتك .... واتحملت معاك أهوال
قولت هاعمر وياك بيتك ... وهابدل طبعك في الحال
بس الطبع بيغلب صاحبه .. دايماً ساخط ولاشيء عاجبه
مهما تقوله ولا تطالبه . . يغير طبعه إنسى محال
بس بجد انا خلصت طاقتي ... وبقولهالك كدا بالذوق
إني هلاقي في بُعدك راحتي ... وان البال بعدك هايروق
جاي بتشرح ايه وتفسر ؟ .... عمر كلامك دا ما هيأثر
بعد ما عشت معاك بتحسر .. إبعد عني كدا بهدوء
===================================
بقلم /// زينب سليم أحمد
ليست هناك تعليقات:
إرسال تعليق