...............
اسعد الشرهاني
....................
(اي گلي
شبيك ياگلبي)
وتاليها وياك ياگلبي،
تذكر المايردوك،
وتنسه ال يحبوك،
سارح بالخيال،
وعيونك عالدرب تربي،
(اي گلي شبيك ياگلبي)
ترجامن الصحاري ماي،
وإتاني من الشمس افياي،
صاير بالحزن ناي،،،
(اي گلي شبيك ياگلبي) ،،
وكت المحبه فات،
ونبض الوفه مات،،
عايش عالذكريات،،
(اي گلي شبيك ياگلبي)،،
المن تحن وتشتاگ،
ضايج تهم بالافراگ،
الوادم تحب الطاگ
(اي گلي شبيك ياگلبي)
مايردوك عوف
الناس،
خارج نطاق الاحساس،
ياماطيب انداس،
(اي گلي شبيك ياگلبي)
عيش بحياتك حر،
واتكفه كل شر،
عيش الحلو والمر،
(اي گلي شبيك ياگلبي)،،،،،
كلمات:
اسعد الشرهاني
ليست هناك تعليقات:
إرسال تعليق