..................
احمد محمود
...............
حوار يومي في الفجرية مع امي
صباح الخير ياحاجة
صباح النور يانور عيني
رايح تصلي
ان شاء الله عايزة حاجة
لاياحبيبي عايزة سلامتك
اجيبلك بليلة
ايوة بس ماتكترش
حاضر
ارجع من المسجد
انت جيت ياحبيبي
ايوة ياحاجة
عقبال ماتصليها عند النبي
انا وانتي يارب
ماتسخنش البليلة قوي
حاضر
وماتكترش السكر اصل انا عندي سكر
حاضر ياحبيبتي
يابني يالة ماتسخنهاش قوي
حاضر
اتفضلي ياستي
يوهه مش قولتلك ماتسخنهاش
والله ماسخنتها هيا سخنة
طيب استني لما تبرد
براحتك ياحاجة
تك تك تك تخبط بالملعقة
ايوة حاضر السفرجي جاي
شيل خلاص اكلت شوية صغيرين
ههههههاي يااما الطبق فاضي
يابني انا شربت مية البلية بس
ماشي بالهنا والشفا
عايزة حاجة تاني
ايوة كباية شاي احسن دماغي مصدع
حاضر
خلاص عايزة حاجة تاني
ايوة هات بوسة
خدي ياسيتي بوسة
حاجة تاني لا ياحبيبي ادخل نام
حاضر
يااحمد يااحمد
نعم ياحاجة مش قولتي ادخل نام
اخر طلب واقسملك مش هانادي عليك تاني
طيب عايزة اية
هاتلي ازازة مية ساقعة وخلاص
حاضر
حاجة تاني لا خلاص
يسعدك يااحمد ياابني يارب
رحمة الله عليكي يااغلي البشر
وفي جنات النعيم ياامي
احمد محمود
ليست هناك تعليقات:
إرسال تعليق