...............
محمد راشد
..............
يا دموعي ياللي سابقاني .... من نظرة عيني حاساني
الروح والله بتعاني ........... وطيبة قلبي واجعاني
بناجي وصوتي كده عالي ..... من شدة حزني وآلامي
وكل الدنيا سامعاني ....
سهام الغدر صابتني .... قفلت أنا بابي وفايتني
أعيش وحداني أحسن لي ... وأشوف من تاني أخطائي
أراجع فيها كده نفسي ..... وأعيد والله حساباتي
تملي الدنيا ظالماني ........ أشوفها مرة عطياني
ضحكة وفرحة آه ياني .....
بلاش تيجي كده عليا ..... كفاية الحزن في عنية
سيبيني في حالي ولو مرة .... أعيش حياة حلوة مش مرة......
لإمتي هداري وأخبي......... وأكتم تملي كده في نفسي
لازم أعبر ولا أداري .... ع إللي يا ناس بيجرالي
خلاص مش قادر أتحمل ..... بكفاية فضلت أتجمل
والروح تعبت وهاتسلم ...
بقلم
محمد راشد
ليست هناك تعليقات:
إرسال تعليق