ديوان أكاليل الإلكتروني لسفراء القلم

...............

: محفوظ البراموني :

.............

حلاق الحمير ..

إيه ده ياواد يا مدلع يا جميل ؟؟

راسك دي و للا قرع متشخلع أصيل ..

رايح تحلق عند حلاق حمير ..

ب مزاجك وطيت راسك و بقيت أجير ..

الكل ينتظر دوره مفيش أول و لا أخير ..

مفيش فرق بين أى إنسان و بعير ..

والله إنت و الحمار فيكم خير كبير ..

طب وطي شوية كمان آفاك خطير ..

علشان الحلاق بدون دكان يظبطك يا كبير ..

الحمار جنبك عيان مستنيك من وقت كتير ..

راسك بعد شوية ها تنور و تلعلع و تبقى أمير ..

خلص بقى ب سرعة ل تولع و إجري و طير ..

بعدها لف راسك ب منديل حرير ..

لحسن تاخد برد و تبقي ضرير ..

دي مراتك الست بهية عملتك فطير ..

لما هتشوف راسك مش هتعرفك يا خطير ..

و شكلك هتاكل الفطير و انت راقد ع السرير ..

بهية مش هتسيبك فرحان هتنكد عليك زى أمشير ..

هتفضحك مع الجيران و العيال ب الطبل و المزامير ..

مش هتعرف وشك من آفاك الكبير ..

علشان تبقى تحلق تانى عند حلاق الحمير ..

إتحلقلك خلاص و بقيت مسخرة العبيد المناكيد ..

فهمت و للا أقول كمان خلصت الحكاية الأكيد ..

الخلاصة يا بني أدمين ..

الراجل الطيب ده من ناس كتير شقيانين ..

حاول يعمل تغير و يوفر له قرشين ..

لا وفر قرشين و إتحلقت راسه و بقى حزين ..

هذيان قلم :

: محفوظ البراموني :