.............
علي عوده. الأردن
...........
يوم زفوني
حومروني وبودروني
صرت مثل البنوره
حمامه لما زفوني
اتغندر مثل الغندوره
ولما قرب يحملوني
شفتة إمي تبكي
قلتلهم يالله رجعوني
مالي غير امي بركه
والله جيزه جوزوني
بعد ما مشينا مترين
شفت ابوي احمرت عينه
قلت ما بمشي من هين
يقطع العرس وسنينه
قول امشينا اوصلنا بيته
اخوي طلعت عفاريته
جاهل يا عيني وربيته
صرت اصرخ وينه وينه
والله جيزه جوزوني
وقفوا أهلي يودعوني
نطت الدمعه من عيوني
صاروا اهلي محتارين
ايروحوا والا يجوني
عريسي صعبنا عليه
شفت الدمعه جوا عينيه
هو يبكي واحنا حواليه
والله جيزه جوزوني
خشينا وهديت لحوال
ما راحت من بالي
شفت حالي علمرايه
سايحه كلي على حالي
ارجعت اول وجديد
أدوكر حالي واعيد
وليله من ليالي العيد
ابقى سلملي على خالي,
علي عوده. الأردن
ليست هناك تعليقات:
إرسال تعليق