.................
رياض رحيم المظلوم
..............
شعبي عراقي
«احاچيك ابصراحه»
خلني ويَّ حسن اضواك خلني اتنعم ابذره...
من عيني النظر بالشوگ بيده اضواك جر جره...
توني ابنعيمك غاط خلني اغرگ ولو مره...
يقديس العشگ صليت يامه ابحضرتك روحي بدنهه ساجد خر مليارات خرره...
رايد بالخلد وياك طيف كل كابوس منه غده شره...
لا ماحي رسومه ولا دوامه ابّحره تجي اتفره...
لونه واضحه شمسه ولا غيمه التغطيهه
وابد متغيب بالمره...
تظل روحي وفيه وما تبيع العاذلي سره...
حبيبي سر خيالي وخاطري وياه...
حلو من العسل احلى لو طاح العسل بشفاه
يشكي امن العسل مُره...
گبل حسن الوجه اخلاق منهه زان وجهه
ولا بشر اجى ابناظره
إلا ويمدح اوصافه وابد ما يمشي بالگمره...
يخاف اعله الگمر هم يمشي اعله الگاع وما تكمل ليالي البيض ابمداره ومقره...
كذلك بالصبح ما تطلع شمس اتغار من طره تثغب فلك طره...
طر ساعة فجر وحدنه أنا وياك
تعال ابحضني المك لمة السباح وبگلبي حنانك مثل محار وي دره...
وإذا تطلع من المحار اگلاده الضمك وي خط الجيد در يتلاله على اصبي بار وحسن بره...
يلملالي ضوه بالعين ارد اطبگ اجفوني اعليك واتكحل ارموشي لمضتك حره...
اعارچ هدة ارموشك لون تصرعني بيهه وابدي جوله وضل مصروع رمشك مره ورا مَره...
لتسولف حروفك جيش سلمي ابلا حرب يفتح البلدان ويساوي الفقير وي الغني بالمال ينطي الكل فقير من كل غني صره
جزيت البر جدمي ابشاطي وجدانك
اريد الغوص الك وايماني ايمانك
ما محتاج اتنفس محتاج اغوص باعماق اشجانك وادورك من الاگي الحوت انشده عالشنو ابطنه واستاذن واطبلك طبة المبلوع من حوته عسى ما حوتك بالبلع شانك
يلمدلل چنت عالبر اشلونك بالميه وحوت خلجانك تعال انروح القاع المحيط بيه ظيم احزانك
نريد انبدل لون الحزن وتصير بافراح الوانك
لا تغتم ولا تهتم احاچيك ابصراحه انا مشتاگ اعيش وياك بجنانك
رياض رحيم المظلوم
٢٨ شعبان ١٤٤١
22/4/2020
ليست هناك تعليقات:
إرسال تعليق