...................
عبد الحفيظ جابر شيبه
..............
وصيتي لإبنتي
بنتي وحبيبتي وأغلى حاجة ليا
إنتي عارفة إنك
قلبي وروحي ونور عنيا
أوصيك أخر وصية
لجل ما تحافظي
على عش الزوجية
أولاً كوني ماما
لما بابا بيناديها
ف لحظة بتكون بين إيديه
وقبل منها كلمة عينيا
وبالنهار جارية ليه
وبالليل صلاة وقرأن
ولربها بتنجيه
أهم حاجة تتقي الله فيه
وتكوني جارية بين إيديه
هايشيلك جوه حبابي عينيه
كوني أمه تشيلي همه
إياك فيوم تغيري دمه
هاتلاقيه من غير علاج هادويه
لو فيوم راجع زعلان
قابليه بابتسامة
وبحمد لله عالسلامة
من غير عتاب ولا ملامة
جبل الجليد هادوبيه
إتقي الله فيه
كوني وقت الشدة
ضهر يسند عليه
لو مال الزمن بيه
كوني جنبه وتعنيه
السر يفضل ما بينكم
غير ربك ما يدرى بيه
إتقي الله فيه
ولعرضه وماله إحفظيه
بقلمي/عبد الحفيظ جابر شيبه
ليست هناك تعليقات:
إرسال تعليق