...............
صلاح سليمان
................
حضن الرصيف
في حضن الرصيف
بقه كله عاااادي
حد جاني حد قاضي
حد رافض حد راضي
حد مليان حد فاضي
حد تايه في التلاهي
حد مداري في ملاهي
حد خانق صوته همه
وبعنيه بالشوق ينادي
في حضن الرصيف
النفوس أغرب قرايب
حد خسران حد صايب
حد كاره حد حابب
حد حريف بالمصايب
حد يتأمل في غيره
وغيره من زمن العجايب
اللي مؤلم واللي يالم
كله متكعبل قصادي
في حضن الرصيف
حد واضح حد صارح
حد غامض طبعه جارح
حد مداري في مجارح
حد بيصاحب الجوارح
حد نبغه في العتاب
وبيهرب وقت الحساب
وتلاقيه فلفص وغاب
ويشمت فيك الاعادي
حضن الرصيف كله عادي
من ديوان علي الرصيف
وهاتها جمايل يارب
شاعر الحارة المصرية
صلاح سليمان
ليست هناك تعليقات:
إرسال تعليق