................
كرم ميخائيل
..............
* هز الحبال *
*هز الحبال وإفرطها يلا
شيل الحمول قلوبنا ضامه
أحزان كتيرة من الوجع
ما أنت الحياة وإللي بكلمة
تملانا فرحه وتشيل غمة
عمر الأمل فيك ما إنقطع
*طبطب علي قلب إللي عاش
والفرح جواه لأ ما جاش
والحزن عمال فيه يدوب
ما أنت السند وأنت الأمان
وأنت إللي حضنك فيه الحنان
وإنت إللي فاحص القلوب
*بإيديك وحووط ع الجراح
ما أنت الطبيب وأنت الجراح
وبمشرطك شيل الألم
عشنا الحياة بمسكنات
سرقتها منا دي الأهات
والفرح لينا دا ظلم
*متعشمين رافعين عينيا للسما
مستنين تمد إيدك أه لنا
وتعوض العمر اللي فات
دا العمر راح من غير تمن
والضحكه ماتت من الألم
عوضنا فرحة وشيل أهات
#كرم ميخائيل
ليست هناك تعليقات:
إرسال تعليق