................
وحيد محروس خليل
.............
( أيام )
أيام عدت علينا
فيها إللي فرح عنينا
وإللي أخدنا من ليالينا
وإللي ساقيتنا من مرها ..........
أيام
أيام سابت ذكرى
وأيام موتت الفكرة
وأيام جارت على بكرة
وإللي راميتنا ف بحرها ..........
أيام
أيام كات ليل طويل
وأيام ملهاش بديل
داوت القلب العليل
وإللي واخدة على خطرها ..........
أيام
أيام كانت معانا
ومشيت على هوانا
ونورت ليل سمانا
وإللي ماقدرنا نحبها ...........
أيام
أيام كانت سعيدة
زاحت الأحزان بعيدة
وأيام قاسية وعنيدة
ياما آسينا من غدرها .........
أيام
وأيام كانت سهلة
منحت لقلوبنا مهلة
وأيام لظروفنا جاهلة
ياما إتحملنا قهرها ..........
أيام
وأيام بيتغير فيها الحال
أصل دوام الحال محال
ويزيد في جمالها جمال
ودا بأمر من ربها ............
أيام
لله نرفع كفوف
وندعي بقلب شغوف
نعيش السعد ونشوف
جبر الخواطر مش كسرها ..........
أيام
كل عام وانتم جميعاً بخير بمناسبة العام الميلادي الجديد
بقلمي / الشاعر وحيد محروس خليل
ليست هناك تعليقات:
إرسال تعليق