................
عبالحميد سالم
.............
( تراحم وكفالة ) /عبالحميد سالم
ياما ناس م الفقر دابت هدمتها
وناس م الفجور بتكشف عورتها
تقول عيب تقول مالك ياحيلتها
وعشان كده دنيتنا إتقلت بركتها
*****
أطفال البرد بياكل ف جتتها
ف دنيا بتدوس على كرامتها
وحرامية بيعلوا رغم فسادهم
لا ف يوم عملوا حساب أخرتها
****
ضماير الناس ماتت ف الزحمة
ولاعاد يجوز فيها غير الرحمة
شايفين مساكين بتاكل ف زبالة
وكلاب حراسة زهقت م اللحمة
****
طب إزاى نخرج من دى الحالة ؟
دى الأجيال هتضيع مننا لا محالة
مفيش غير رجوعنا لتعاليم ديننا
غنى وفقير بينهم تراحم وكفالة
بقلمى م / عبالحميد سالم
10/12/2021
ليست هناك تعليقات:
إرسال تعليق