ديوان أكاليل الإلكتروني لسفراء القلم

 ................

خلان عبد الكريم

..................

نَدْلَكٌْ في عُنقي دَرْبالة مَنْ الشَّرْويطْ

ؤ في رَجْلي نَلْبَسْ نْعالَة

نَتْحزَّم بِشْريطْ ؤما يهمني كلام الكٌوَّالَة

الدنيا فايْةَ شكون فيها غادي يشيطْ

ما احلاها العيشة بِلّي قَسَّمْ الله تعالى

نْهيمْ على وجه لَبْسيطْ ؤ فين ما راح الليل نْباتْ

شحال ما طال العمر لابد يَتْسالى

نْسيحْ في أرض الله ؤ نْدير غْداتي مَنْ سْليطْ

مايهموني قصور ؤ لا حْيوطْ

عاشو قَبْلي شرفا .ء. غير في نْوالَةَ

باش ينفعني داك السِّيطْ لي ما يَرضي الله تعالى

كيف راد ربي غادي نْعيشْ قانَعْ بِلّي عْطاني قمح ؤ لا نُخَّالَة

خَلّوني نَلْبَسْ دَرْبَالةَ مَن الشَّرْويطْ

أصْل الحرير مَن دودة عْلاش بيه نْتعالى

خَلّوني نْتحَزَّمْ بِشْريطْ باش غادي يَضُرْني كلام الكٌَوَّالَةَ

خلان عبد الكريم