....................
عارف شلش الساعدي
.................
(بيوم الأربعين )
شعر عارف شلش الساعدي
بيوم الاربعين اتعنه لحسين
بجاه الله ورسوله اتنول الاتريد
وزور احسين واطلب منه الامراد
يتحقق تشوفه ايصير بالايد
وهذا حسين ظل خالد للاجيال
كل عام ايتجدد عدنه ويعيد
وبسم الانظلم هالثوره الاتكون
على كل من طغى والعنده تهديد
ويستعمل القوة انشوفه عالناس
ويزيد الماتنفعه القوة وتفيد
وكل مظاوم ناده الربه يدعيه
وضد من راد يمسح اسمه ويبيد
ويظل عاشور بين الناس موجود
واسم احسين باقي وهالتقاليد
ونحيي ذكرة المظلوم تنعاد
وسجلات الزمن مطبوعه بالقيد
وتمر سنین واسمه اتخلده الاجیال
سلك نهج النبي اوياه كل حيد
وعباس الشهم ضحى بالاچفوف
واصحابه الحسین التحچي وتشيد
ماهابت الموت ولا ظلم ذاك
نادو بالعدالة وعدها توحيد
ابيوم الاربعين اتعنه مشاي
بجاه الله ورسوله اتنول الاتريد
وزور احسين واطلب منه الامراد
يتحقق تشوفه اتلزمه بالايد
ليست هناك تعليقات:
إرسال تعليق