............
صبري حسين
............
كلاكيت تاني مرة
اخت عزيزة طلبت مني اكتب حاجة عن اللي بيدخلو الفيس بأسم بنات
************************************
اخوات فضليات آنسات وسيدات بيشتكوا مر. الشكوى من الشباب والرجال اللي عاملين حسابات بااسماء بنات
ويدخلوا يتعرفوا على دي ودي
كلمة في كلمة يعرف حاجات ومحتاجات
بعد كدا يظهر على حقيقتة الآنسة جميلة تطلع الاستاذ جمال
وعبير تطلع عماد
عشان خاطر كل اللي فات
كتبت هذه الكلمات
***********************************************
(يعمر بيت الفيس والنت) كلمات/صبري حسين
يعمر بيت الفيس والنت
اللي عرفنا على اجمل واد واحلى بنت
اللي يتعامل مع الفيس بالعقل
ما يفرق معاه واد ولابنت
احنا بنتكلم من ورا شاشة
لازم نتعامل بكل بشاشة
نكتب كلمات واضحة
نتكلم مع النفوس
مش مهم عندنا الوشوش
نتكلم كلام بالعقل
مانفرق مابين سامي ولاسامية
دايما نخلي نفوسنا سامية
عايزين نصفي النية
مع حمدي حمدية
عايزين نعلي الصراحة
مع فتحي وفتحية
ليه نلون في الكلام
لما نعرف ان اللي بتكلمنا سهام
ليه دايما نلف ندور
لما نعرف ان اللي معانا بدور مش بدر
يا عالم يا أهل العقل
عايزين نتعامل بكل عقل
نتعامل كلنا اخوات
بنين وبنات
نتعامل مع الغير
زي ما نحب يعاملنا الغير
نتمنى للكل الخير
يعمر بيت الفيس والنت
اللي عرفنا على اجمل واد واحلى بنت
في الاخر عايز اقول كلمة
لو في عيب
ده مش عيب الفيس ولا النت
العيب فينا وفي نفوسنا
اننا لاغينا قلوبنا وعقولنا
اننا نسينا تعاليم دينا
ومشينا ورا شياطين نفوسنا
اوعي تعيب في الفيس والنت
عيب على اللي بيعمل نفسه بنت
اللي في سبيل معرفة سطحية
قلع توب الرجولة
ولبس توب اخته بهية
هى دى كل القضية
عايش طول عمره
بيدور علي نفسه
مش عارف
أن كان راجل ولا ست
نفسه يتأكد من نفسه
اخيرا وجد نفسه ولية
باركوله وحضروله
الفستان والطرحة
والكل يزغرد مبروك عليك نون النسوة
روح جاتلك خيبة قوية
متبرأ منك الرجولية
ربنا يحقق لك اغلي امنية
تعيش وتموت ولية
صبري حسين
ليست هناك تعليقات:
إرسال تعليق