................
د.صباح عبد القادر
.................
ريده مفتوحة
**********
شعر/د.صباح عبد القادر
**********
وقبلك كنت
ما موجودة
كأني سراب
على هامش
زمن منسي
بعد توهة
سنين طالت
لقيتك زي حلم
جوايا مدسي
حلم رايع
بزعرد فرحة بين نفسي
برغم الماضي والأحزان
ورغم الحاضر الهسي
بحبك من زمن مافي
وحبك في القلب صافي
ما أنت البلسم الشافي
وبشتاق أضمك لي
اقلد حضنك الدافي
تلاقي عواطفي مشبوبة
ترجها دنيا مقلوبة
بحسك انت دون الناس
براح للألفة والإحساس
وعدتك إني ما أنساك
بخاف يا غالي تنساني
وتغيب شمس الصباح عني
أقاسي الفرقة وأحزاني
انشاالله المطر يغشاك
يطفي رزازه نيراني
تأكد إني بهواك
بحن يوماتي ألقاك
غنيوات العشق يازول
توصف فيك
عرض في طول
تعال خلينا نتلم
قبل ما العمر يسرقنا
نفتح للحنان شرفات
نمحو من القلب جراحه
وتبقي الريده مفتوحة
كتاب عنوانه (صبوحة)
**********
ليست هناك تعليقات:
إرسال تعليق