ديوان أكاليل الإلكتروني لسفراء القلم

 .................

.النيني عبدالرحيم ادريوشي-

..................

- أيام صغري -

مازلت ندكر أيام صغري..

وكيف ننسى أحلى الأيام-.

هي والله زهرة عمري..

كانت كلها خير وسلام-.

لكن بالخف مرت تجري..

ياريتها دامت ألف عام-.

مازلت ندكر أهل الحومة..

أهل الخير أوفى جيران-.

واللا زهرة أم حلومة..

وهي تحكي حكايات زمان-.

وكيف ننسى فطومة..

والسي المكي وقصة لغرام-.

مازلت ندكر البا نجوم..

البحري جار خالي مسعود-.

كان فنان بكلام منظوم..

يغني للناس ويعزف بالعود-.

وكيف ننسى البا نغوم..

كان بالآلة ينغم أنغام-.

مازلت ندكر شارلي الكوميك..

جيري لويس وفرنانديل-.

والقدميري بضحكو يبكيك..

والنابلسي مع إسماعيل-.

وكيف ننسى موبي ديك..

مجنون ليلى وأرقى الأفلام-.

مازلت ندكر .. مازلت ندكر..

مازلت ندكر أيام صغري..

وكيف ننسى أحلى الأيام-.

هي والله .. زهرة عمري..

ياريتها دامت ألف عام-.

ياريت..ياريت .. يارتها دامت..

ألف عام ف ألف عام-.

..................................النيني عبدالرحيم ادريوشي-.