.................
محمدأبوالحسن
................
شعر غنائي
الوداع
بقلمي:محمدأبوالحسن
*******************
حبيبي قبل ماتودعني
اوعدني إنك راجع تاني
إنك راجع تاني لحضني
ومش ممكن تنساني
قوللي الغربة في بعدك
صعبة
واللي بيناكبير مش لعبة
وان انت بتهواني
...............
أمانةعليك وحياةعينيك
قبل ماتودعني اسمعني
وانت هنا
وانا بين إيديك
طمن قلبي وريحني
وقوللي إني مش ههون
عليك
واني في عز الغربة
هفضل جوه قلبك
ومالي الدنيا كمان عليك
ولاحد غيري من بعدي
يشغل عينيك
.................
خليك فاكر وانت مسافر
إن لك في الدنيا حبيب
مهما تشرق ولا تغرب
مهما تبعد ولاتقرب
قلبه معاك وشاري هواك
وهيستناك هنامهماتغيب
وحياته من بعدك مرة
وماحبش قبلك ولا مرة
ومالوش غيرك في
الدنياحبيب
................
خايف وانت بعيد تتغير
تشغل قلبي عليك
واتحير
وليلي يعدي زي نهاري
صاحي وسهران فيه
على ناري
مشغول بيك وتملي
بفكر
................
وانا عن نفسي
هفضل هناعلى نار
مستني
أي رسالة منك توصلني
تفرح قلبي وتطمني
وتقوللي إنك ملٍّيت
الغُربة خلاص
وعرفت إيه معنى
الإخلاص
واني عندك أغلى الناس
وانك بعدي في الدنيا
غريب
وبتشتاقلي
وفي عز الليل بتندهلي
ومفيش لاقبلي ولابعدي
وخلاص لُقانا هيبقى
قريب
.................
وانا هستناك وفي قلبي
هواك
ولايشغلني حد سواك
وكل حياتي ليك ياملاك
ياأعز الناس
وياأغلى حبيب
محمدأبوالحسن
ليست هناك تعليقات:
إرسال تعليق