...............
بلال هشهش بيلا مصر
..............
إلى السادة المرشحين
###########
عاملين بنرات ومنورين
عاملين قعدات للحلوين
فيه اللي صارف الوفات
وفيه اللي صارف ملايين
عاوزين اصوات ترا رتت تا
وحق الغلابه هو فين
معروف المستفاد مين
هو فيه حد فيكم فكر
يجيب دوا لعيان ولا يساعد مسكين
ولا يستغني عن تمن يافطه
ويساعد أرمله ياحزين
ولا واحد عنده كورونا
نفسه يروح العزل ومش عارف يروحوا منين
وإن قال فرصة اروح لمرشح
يرد المرشح عندي رشح تعال بعد يومين
يرجعله تاني يلاقي جنابه ملبوخ
في مؤتمرات وزيارات شوية مش حبتين
كل اللي يهمهم الصوت وبس
ذا فويس كدز ياليل ياعين
دا أنا لما أبو جدي مات بكورونا
معرفناش ندفنه في صندوق مين
ونجيب بنر نكفنه من احد المرشحين
بعتب عليك يابو جدي لا اديت صوتك
ولا قلت لي أدى صوتي لمين
ولا صندوق قبل جثتك تندفن فيه
مفيش غير مقابر الصدقة والمساكين
هي اللي حضنتك وربنا مع كل المرشحين
،،،،،،،،،،،،
بقلم الضاحك الباكي بلال هشهش بيلا مصر
ليست هناك تعليقات:
إرسال تعليق