..................
خليفه الابنودي
..............
قصيده بعنوان (وكله في همه سارح)
وكله في همه سارح
شجرهم ديما طارح
اللي خايف من بكره
واللي اتخنق من امبارح
كله تايه في الملكوت
والعمر منهم بيفوت
حمولهم تقلها جبال
بيتمنوا يا ناس الموت
اللي بيشكي من امراضه
واللي اتخنق من ولاده
واللي كره يا ناس نفسه
وبيلعن في اللي جابه
اللي بيشكي من قرايبه
واللي ملقاش حبايبه
ديما باصين عليه
في نومه محدش سايبه
يا دنيا خفي همومك
عليهم تقل كومك
جرا ايه يا دنيا وياكي
مش قادرين نلومك
محدش يا دنيا لاقيكي
م اللي منك ولا اللي ليكي
ديما بتحبي نفسك
والعشم ضاع فيكي
حياتهم فيكي هباب
ديما قافله الباب
ومحدش بيشكر فيكي
ما قرايب ولا اغراب
مش قادرين على همومهم
وهمك بيجي في نومهم
من كتر اللي شافوه منك
مش طايقين يا دنيا هدومهم
يا دنيا كترت بلاويكي
الطمع عشعش فيكي
عاملين كيف الأرانب
ملناش مكان فيكي
جرحك ديما بينزف
وحياتهم فيكي تقرف
عامله كيف الربابه
الكل على همه يعزف
دا الكل على همه يعزف
شاعر العاميه
نبض الصعيد الجواني
خليفه الابنودي
أدهم السمهودي
ليست هناك تعليقات:
إرسال تعليق