...............
وحيد محروس خليل
............
(( مات الرضيع أنس ))
أنا صوتي إتخنق جوايا
ودمعي إتفرط من عيني
وفين ألاقي دوايا
ياقلبي مين يواسيني
مات الرضيع أنس
والمنظر أكيد بيؤذيني
مات الرضيع أنس
ملعون أبوك ياعناد
وليه الشيطان يفرقنا
ويزود مابينا البعاد
وغرورنا يغرقنا
نضحي بأعز ما لينا
دا أحنا ما صدقنا
مات الرضيع أنس
مش عارف أرتب كلامي
لإني بجد حزين
والحزن زاد في آلامي
ومين يتحمل مين
طب ليه بنشقى علشانهم
وبنتغرب شهور وسنين
مات الرضيع أنس
ولو هتكلم على لسانه
مع إنه مش من دمي
هوصف بلسان حاله
وريحته إللي فاحت شمي
هقول لا الراجل ده أبويا
ولا دي تنفع تكون أمي
ولا دي تنفع تكون أمي
مات الرضيع أنس
هشتكيكم لخالق الكون
سبحانه بيا رحيم
ليه ضعفي عليكم يهون
وشيطانكم شديد ورجيم
لما في يوم القيامة
يحيينا وإحنا رميم
مات الرضيع أنس
ليه دنياكم شغلاكم
في قلوبكم وملكاكم
والعند سيطر عليكم
وشيطانكم خلاكم
تنسوا أعز ماليكم
والحقد يملاكم
مات الرضيع أنس
بقلمي الشاعر/ وحيد محروس خليل/ مصر
ليست هناك تعليقات:
إرسال تعليق