...............
الزروقي جواد
..............
🌹هداك راه كلامي 🌹
هداك راه كلامي
خارج من قلبي
وفيه شلا من همي
و أنت إنسان حر
قول وكتب لبغيتي
لسانك هداك
ساكن بين سنانك
ونا هداك راه كلامي
كتبتو وبالي ما هاني
خديت داك الحرف
به نعاود على حزاني
وعلا الجهة لضراني
ونتى إنسان حر
قول لبغيتي
الكلام يتشابه
والأحزان تختلف
ونا حالف ما نرجع اللور
ولا نعيش حياتي مقهور
بداك الحرف نكتب
ونعبر فشلا سطور
علا همومي وحزاني
وعلى داك القلب لي تيعاني
ونتى حر ولسانك هداك
نحترمك ونحترم حروفك
وإحساسك ما هو إحساسي
فداك النهار كنت
معصب وقلبي تيقاصي
وكتبت داك القصيدة
لعنوانها هو
ساولوني على حالي
🌹الزروقي جواد🌹
المغرب
ليست هناك تعليقات:
إرسال تعليق