...............
عبد المنعم حمدى رضوان
..............
ديوان
(وجع فى القلب)
الجزء الاول
آخر ماكان بينا
آخر ما كان بينا أبتسامة
وقالت أياك تنسانى
كانت أبتسامة لوم وعتاب
جمعت كل المعانى
معناها ليه البعاد و الفراق
وليه نفضل نعانى
سنين وجعنى بعادك عنى
قلبى أنفطر وبيعانى
راحت وراحت معها السعادة
والبهجة والامانى
طيفها لازمنى عمري كله
مصاحبنى ولا نسانى
سنين طويلة مرت عمرى
مانسيتها ووحشانى
وكل ماقول مسيرى أنساها
يتجدد الجرح تانى
سامحيني انا بأعتذر لو كنت
جرحتك وبتعانى
العمر راح وأنا بحصد الندم
حبيبتي انا الجانى
يفيد بأيه الندم على حب
ضاع منى واضنانى
حبيبتى
مازالت ساكنة روحى وقلبى
ومالكة وجدانى
حال العشاق
الدنياغريبة ودى حقيقةواحوال
العشاق اغرب واغرب
ممكن تتحب من ناس يامالكن
انت في حبك تتغرب
مش قادر توصل للي بتهواه ولا
من حبك لية بتقرب
احلام نرسمها ونبنيها في خيالنا
فى لحظة بتتسرب
ودة حال العشق واهل العشق لا
تتعجب ولا تستغرب
ايوة بحبك
أيوة بحبك ودى مشاعر
مقدرش أنكرها
ولا أقدر أتحدى أنا قلبى
وأقوله حب غيرها
ولاليه أخنارك بالذات
مشاعر يصعب تغيرها
بحبك معرفش أنا ليه
امور صعب تقدرها
اسبابة لاقدر المسها ولا
اقدراحدد تاثيرها
،حديث ذو شجون
بكى قلبى من الآلم
قلت أواسية قال
وأنت يامسكين
مين يواسيك
قال الالم خد وأدى
وتعبني مليت
خلاص
قلت غلبت أداويك
قال ما عاد يفيد دوا
فى قلب إنكوى
شوف
أنت حد يداويك
مشيت مشاوير كتير
خضتها بكيفك
غلبت
أنصح وأحايل فيك
وكل مرة كنت تدحدر
وتزداد جروحك
وكنت
أحايلك وأراضيك
لحد مسألت وأنت
صحيح قلبى
مابين ضلوعى
ولا فين أراضيك
عمال تشرق وتغرب
سبتك براحتك
وقلت يمكن
يوم ربنا يهديك
قال قلبى جاى
النهارده تبكتنى
ياما شيلتك
وكنت بواسيك
ياما راعيت الصحبة
والعشرة
فى الفرح والترح
كنت شريك ليك
وحمول كتير شلتها
عنك سنين طويلة
متحمل
وكنت براعى فيك
وكنت بحزن لو يوم
حزنت ويصبنى
همك وترحك
وياما طبطت عليك
ملوش لزوم العتاب
بينا مصيرنا واحد
وده نصيبنا
اصبر ربنا يخليك
هو كده
الحب عمره ما كان قرار نقرره
ولا منه مهرب و لا فرار
ولاليه دون البشر قلبى حبك
ولا أيه سبب لأختيار
رب القلوب ألف ما بينها ربط
مصيرها كده بأختصار
الحب ياحبيبتي قدر لو شاء
القدر مين يمنع الأقدار
وليه العجب من غير سبب
تبحث عن السبب تحتار
شاء القدر يتجمعوا قلبين
وداروا فى نفس المدار
مستنى أية
مستنى أية أنا أيدى ممدودة
ومنتظرة لمسة ايديك
لو يوم بعدت رحت وعاندت
أكيد راح تبكى عينيك
ولاعمرك تلاقى قلب يحبك
زى قلبى ويشتاق اليك
صعب تلاقى فى الزمن ده
حد يحبك ويخاف عليك
ياما حاولت أراعى ودك
غلبت أصالحك وأراضى فيك
وفى كل مرة أغفر وأسامح
انا اللى حبك ومشتريك
تملى بتسوق فى دلالك
وأفضل أحايل فيك وأراضيك
مرة فى مرة خلتنى أقسى ومن
عمايلك قسيت عليك
ما كنت ملكك وطوع امرك لحد
مضيعتنى من ايديك
خلي بالك
نختلف أو نتفق خلي
بالك للحب بينا يختنق
مهما يحصل بينا ويجري
بتفاهم والهداوه نتفق
الخصام والاسيه تبعاد
مابينا و المحبه تحترق
يوم ورا يوم في خلاف
ليه عمرنا كده يتسرق
ليه يسود بينا الخلاف
ويشتعل وللمشاكل نختلق
في النهايه الحب راح
يربط مابينا ونقدر ننطلق
متخافيش
متخافيش أبدا عليا ياما
دقت على الرأس طبل
مهما يجرى هاقوم وأكمل
وأفضل أتحدى الفشل
مش هتوه بعدك وأضل
فى الدروب وأفقد الامل
هتلاقينى جبل ما هزة
ريح مهما جرى أو حصل
راح أدوس عالجرح يشفى
قبله ميت جرح اندمل
صلب أنا أصلى صعيدى
صحيح حنين بس جبل
قلبى زى الصخر يحتمل
فوق أى قلب مايحتمل
هو قلبي
قالوا لى ويلك كيف
تعشق من عز لقياه
قلت وماذا يفعل
المرء فى قلب اضناه
يتوق لمن أحبه
و يعشقه لا يبغى سواه
لا يد لى فيما يعشقه
ولاسلطان فيما يهواه
انا الذي يلتاع في
صمت و تضنيه بلواه
ولا فكاكا انه قلبي
لابد أهوي من يبغاه
بين ضلوعي موطنه
ولكنه اختار منفاه
هاجر ولم يأبه بمافعل
بصبا النوي اضناه
سألته رحماك ياقلبي
حبيبك ليت تنساه
هو انت قلبى
أنت قلبى ولا قلبها
بصراحة
ياقلبى ده لب القضية
انت عاجبك حالنا ده
ولا انت
عاجبك دور الضحية
لية السماح وراه
سماح
والاسيه يتلوها اسيه
انت غاوى عذاب
وحيرة
ولا خدت على الاذيه
بسألك يا قلبى
جاوب ليه
تعذب فيك وفيه
اتاذي انت ومالو
انت حر
بس ابعد عنى الاذيه
قول جواب
شافى ووافى
يفسر الخيبه القويه
مستحيل
تبقى انت قلبى
مستحيل
ترضى الاسيه
قال قلبى وقلت
بيكلمنى قلبى بيقولى مش
قادر أكمل وياك الرحلة
شوف كام دقة دقتها فى
عمرك تفتكر فاضل كام دقة
لا قادر أتحمل أكتر من كده
تعبت ولاعاد عندى رغبة
قاومت ولما زاد الحمل أتحملت
ومرت أزمة ورا أزمة
صاحبتك ربطتنا كل الاحداث
طول العمر كنا صجبة
بعدطول المشوار من حقى
أرتاح تعبت من طول الرحلة
ياقلبى ناوى تسبنى و تنهى
الرحلة بعد طول العشرة
عمر طويل عشناه مع بعض
ياقلبى على المرة والحلوة
عارف ان قدرنا مربوط مع
بعض ينتهى مع آخر دقة
وكل ماشفنا متسطر ومكتوب
كان له عند الخلاق حكمة
عارف أنك أتعذبت وأتحملت
الالم مع كل أزمة وملمة
أتحمل هانت خلاص قربنا
نرتاح ونوصل لنهايه الرحلة
يانسيم
يانسيم رايح مغرب
أبقى سلم لى علية
قولة قلبى بيه متعلق
وقولة وحشانى عنية
وقولة الشوق قاتلنى
فى بعاده مشتاق أليه
يانسيم رايح مغرب
أبقى سلم لى علية
قول لة ليجينى لروح
له نفسى أطمن علية
أناطال الشوق وصبري
نفذ قاعد بستنى فية
لو كان زعلان أصالحه
غصبان منى أراضية
يانسيم رايح مغرب
أبقى سلم لى علية
والنوم جافى عبوني
سهران يانسيم أناجية
لو كنت أفتح أغمض
قدام عيونى الاقية
يبقى زمانى سعدنى
وصفالى لو قابلنى بية
يانسيم رايح مغرب
أبقى سلم لى علية
يا نسيم أياك تنسانى
اوام بلغ سلامى لية
وقولة فاكرة يوماتى
منتظرة ومشتاق آلية
بحلم ببكرة يرجع وأضمة
وارتاح بين ايدية
يانسيم رايح مغرب
أبقى سلم لى علية
الشاعر/ عبد المنعم حمدى رضوان
ليست هناك تعليقات:
إرسال تعليق