................
منصف شنيني/تونس
..............
البطاله
المتخرج قداش صبر
ممكن ماعندوش الزهر
صابر على المر
شاعر بأشعارو ايعبر
يوزن ويكتب وينشر
شد السطر
غلى المعيشه ابحر
الزوالي عجز افقر
وقتلو الشر
شباب بشهايدو بطال
الخدمه صعيبه موحال
غيابها طال
الفقر ركب لهبال
ثمه اللي شرب القتال
كي ملقاش المال
قلت واتفقدت اﻷشغال
يترقب موسع البال
شيء مانال
الوجه شحب اذبال
اندادو عندها اﻷعيال
هو بطال
الحكومه مالقت حل
هي الكل مره تتحل
شدها الفشل
واﻷحزاب ديما تتقاتل
للكرسي شكون اليوصل
يصبح فحل
لزمها رئيس قبل
ايركحها يضغط على الكل
العاصي يجفل
في قيس سعيد عندي اﻷمل
رجل قانون رزين عقل
ربي ايسهل
ايخلصنا منكل وحل
الشباب البطال ايشغل
ايهبطو الكل للعمل
الشاعر الشعبي منصف شنيني/تونس
ليست هناك تعليقات:
إرسال تعليق