.................
عبدالحميد السماحي
.............
نفس الطريق
بقلمي / عبدالحميد السماحي
نفس طريقك هو طريقي
أنت ابويا حبيبي صديقي
مين راح يمسح دمعة قلبي
ويشيل عني همي وضيقي
مهما كبرت شايفني صغير
ما أنا منك وأنت حبيبي
نفس طريقك هو طريقي
أدي الليل عمال يتبحتر
عاش جوايا بعدك ضيقي
بالفرحه معايا بتزرع
ضد النار بطفي حريقي
ودا ابني نفسك بصنع
بيعيش جوايا هو رافيقي
نفس طريقك هو طريقي
أنت فرشت جدران قلبك
نسر يعطر كل وريدي
ودا السعد معاك بيمطر
يبدر خير أبدره بإيدي
كل صباحي مسائي أتعطر
أأمر بس أنت ياسيدي
نفس طريقك هو طريقي
مش بتصدر ولا بتكدر
عند العتمه ببلع ريقي
أغمض عيني أشوفك جنبي
أشوف النور فى عينيا حقيقي
أنا بحسنك أقوم أتوضى
للظلم أتصدى صلاتي عيدي
نفس طريقك هو طريقي
أدي خلاص نهاية عمري
شايف صورتك بإيد حفيدي
يحضن فيها يبوس ويعلي
يقولي ياجدوا إيده فى إيدي
مين فى الجنه ياخدني بحضنه
يادمعه بإيه هتفيدي
نفس طريقك هو طريقي
نفس طريقك هو طريقي
بقلمي
عبدالحميد السماحي
مصر / محافظة كفرالشيخ
ليست هناك تعليقات:
إرسال تعليق