..............
السيد علي القن
...............
(( نفسي احضن هواك))
حبيبي تعالي باندهلك
نفسي احضن هوي قلبك
وارمي حمولي علي كتفك
تنام عيني في عيونك
تغطيني رموش قلبك
و تمسح دمعتي بايدك
وتسمع مني واسمع لك
تداوي جرحي و أحبك
وتشرح لي واشرح لك
مشاعر قلبي ومشاعرك
أحس بشوق عيون قلبك
وتحكي لي و احكي لك
تقول ع اللي شغل بالك
وع اللي كان في تفكيرك
واقولك عمري ليك أمرك
وروحي و قلبي ده بأيدك
وكلي مشاعري ليك وحدك
تقولي عنيكك محتاج لك
تاخد قلبي كده في حضنك
وانسي وجودي في وجودك
حبيبي تعالي بأندهلك
بشوق وحنين أنول حبك
تطمن قلبي و انا جنبك
و تسعد روحي انا بقربك
كلمات الشاعر/السيد علي القن
ليست هناك تعليقات:
إرسال تعليق