.................
صبري حسين
...........
(المسحراتي)كلمات/صبري حسين
( ٢١ )
مسحراتي
وبلف وادور
اصحي الناس علي السحور
قلبي فرحان
بمواكب النور
طوال الشهر صلاة وقيام
ذكر وتسبيح
طالببن رضا الرحمن
مرت ليالي شهر الصوم
واهو باقي كام يوم
وكل المسلمين خاشعين
اكف الدعاء رافعين
متذليلين للرحمن
ان يرزقنا افضل الايام
ليلة خير من الف عام
ليلة نزول القرآن
ليلة القدر خير من الف عام
مسحراتي
وعندي كلمة
كلمة خارجة من قلبي
ياللي بدور علي رضا ربي
اوعي تدور عليها بالعلامات
هاتلاقيها في الطاعات
دور عليها في الطرقات
اطعم فقير
اكسي عريان
اجبر كسير
غيث ملهوف
انقذ غارم من القضبان
اوجه الخير كتير
اوعي تضيق علي نفسك
خلي الخير دايما هدفك
افهم تعاليم دينك
ليلة القدر
موش بالعلامات
ليلة القدر بالطاعات
اعمل الخير
اشعر بالغير
تقرب للرحمن
رتل آلقرآن
اطعم جعان
اهدي حيران
امسك ايده وصله لبر الامان
ليلة القدر نزل فيها القرآن
علي الصادق الامين
المبعوث رحمة للعالمين
اللي اخد بيد الانسان
الي طريق الايمان
عرف قلبه الاطمئنان
ليلة القدر
كل عمل خير
الاحساس بالغير
مجالسة الابرار
مصاحبة الاطهار
كل عمل يبعدنا عن النار
كل عمل يقربنا لرضا الغفار
ليلة القدر
نرفع ايدينا بالدعاء
لرب الارض والسماء
اللهم انك عفو كريم فاعفو عنا
هذا دعاء خير الانام
عليه الصلاة والسلام
كل سنة وانتم طيبين
رمضان كريم
صبري حسين
ليست هناك تعليقات:
إرسال تعليق