...............
أسامة رفعت
............
في ذكرى شهداء الواحات
قصيدة
( ماشفتش ابني )
يا اللي راجع من سهرة حلوة
على أنغام الصاجات
ماشفتش ابني
يا اللي واقف ويا صاحبك
ع الناصية تعاكسوا البنات
ماشفتش ابني
يا اللي عامل فيها مُفتي
في البرامج والشاشات
ماشفتش ابني
يا اللي قاعد ع القهوة
ترغي بالساعات
ماشفتش ابني
يا اللي همك مين هيكسب
ماتش بكرة والتصفيات
ماشفتش ابني
يا اللي سهران ع الفيس
بتكتب في إشاعات
ماشفتش ابني
يا اللي شغلاك التسريحة الجديدة
وأخبار الموضات
ماشفتش ابني
يا اللي فاكر نغمة موبايلك
من أهم الإنجازات
ماشفتش ابني
يا اللي انت شفت
زي ماشفتش
ويا اللي انت عرفت
زى ماعرفتش
ابني مات
مات شهيد كرامتك
في الواحات
كلمات / أسامة رفعت
ليست هناك تعليقات:
إرسال تعليق