..................
رمضان عبدالله أحمد
.......
المسحراتي( ٣٠ ) ٢٠٢٠ م
--------------
من الهلال للهلال وانا شغال
واجتهدت وجبت احسن كلام يتقال
ياترى وفيت معاكم ولا ماليش حق
اني أسال دا السؤال
بصراحة انا عملت اللى عليا
حطيت في كل حلقه وصيه
وانتهى الشهر وخلص المسحراتى
كل واحد بقى يديني العيديه
كل عام وانتو بخير
كل سنه تكونوا طيبين
للى اتفاعلوا عايز اعمل لهم شير
ان شالله من الريان داخلين
تلاتين حلقه كتبنا كتير
وكل حلقه غير اللى التانيه
كان فضل الله علينا كبير
ودعمتونا ف كل ثانيه
على صوت طبلتي كنتو بتصحوا
ياريتكم بقى تفضلوا صاحيين
وفى الاضحى ياريت تضحًوا
وتفرًحوا كل المساكين
عايز اشكر كل الناس
اللى حضروا وشافوا كلامنا
وكان تفاعلهم زي الماس
وبادلونا سلامهم وسلامنا
اصحى يانايم هتستفيد
اصحي يلا افرح بالعيد
صحي ولادك وافرح معاهم
الدنيا بيكوا بالفرحة تزيد
اصحى وحد الدايم وحد الرزاق
وخليك سعيد ......
-------------------
بقلمي/ رمضان عبدالله أحمد
ليست هناك تعليقات:
إرسال تعليق