..........
محمد النعماني // العراق
..............
الوحيد لوالدته تعبت عليه وبعد شقاء وعناء وعمل شاق اوصلته الى ان يصبح طبيب فعشق زميلته واتفقا على على الزواج فجاء لامه وطرح الموضوع فردت عليه والدته اخشى ان تاخذك مني ومن لي في هذه الحياة فقال لها هذا مستحيل وبعد الزواج باسبوع واحد خرج من دار امه ملبيا طلب زوجته وبعد مرور خمسة اعوام وبعدما اصبح لديه طفلين جاء لولدته التي لم يزرها طيله هذه الفترة جاء نادما وقال لها اريد ان اجازيكي فلسان حال الام يقول بهذه القصيدة : وفاء الام
****************
لو ردت
توفي رباي الي توفيلي يمه اشگد
ينرادلك يبني عمر گد نوح لا وازود
شتوافي ..جفلات العصر لو سهر لو حسبات
لو تسع تشهر يا ثگل هد حيلي مني هد
ولو تعرف من اطلگ فرح وانطر هلالك هل
والبوس اغلط چن نجم هيهات ما ينعد
لوليت يمه اورضعت عانيت ما عانيت
وغطيتك برمش الجفن واضحك بوجه الضد
وابرالك طلوع الفجر مفطوم ادلل بيك
يمه اني احبك چن نفس گد شوف ما مش حد
يمه انت واولاد الطرف لو شفتك تلعبون
ينزاح همي بفرحتك والحيل يتجدد
ولو رحت طارش ع الاخت ع الخال ع الحبوك
ناعور روحي تصير الك والبال ما هود
وراويتني نجوم الضهر من حصّبت واشفيت
ولو ردت احسب چل شعر يوليدي مسح الخد
شب طولك واشبر شبر فرحانه ادلل بيك
وصوت الهلاهل ينسمع حبايه زاد الگد
طهرتك الجنجل ذهب عرست همي انزاح
واتمنى الك ابن الابن واتباهه صاير جد
واذكر وجوه الزفتك واتذكر الغنوات
وغنيتلك يمه اغنيه خذ روحي مني وصد
وتالي تجازيني ابجفه وما تنشد اعله الحال
توفيلي يمه حسبت لو وكتي بابه انسد
ارضه واسولف باليصح منك يبعد الروح
من خوفي اعتب والعمر هيهات ما ينرد
لا تجفي يوليدي عمد بزرك يمثل الحال
والشين شين ايعود الك والزين ما ينعد
امجازانه يوليدي زرع دزرع الروحك زين
وحط ثمر طيب
ابسلّتك مو دمع يجرح خد
**********
محمد النعماني // العراق
ليست هناك تعليقات:
إرسال تعليق