..............
صبري حسين
...........
( ليه يا عمو) كلمات /صبري حسين
جات تجري عليا
وقالت يا عمو
ممكن اسألك سؤال
دايما شاغل لي البال
ليه يا عمو
الثقة دايما مفقودة بين اغلب الناس ؟
حتي يا عمو بقت بين الاحباب قبل الاعداء
ليه دايما نتكلم عن الصدق والوفاء
موش مفروض نتعامل بيهم
ليه بقى مجرد كلام بنردده
شعارات بقت محفوظة
لكنها بينا معدومة
ليه ياعمو بقينا لانجيد غير الكلام
نفضل نكتب في الحب والغرام
نتكلم عن الحلال والحرام
واحنا بقينا لانفرق بينهم
بنحلل اللي في مصلحتنا حتي لوحرام
انا تعبت ياعمو
كرهت دنيا الناس
ضحكت بصوت عالي
وقلت لها يا بنتي تعالي
ليه دايما بنلوم الدنيا
واحنا اللي ظلمنها بأفعالنا
عارفة يابنتي ايه مشكلتنا
اللي معكرة مزاجنا
ودايما تاعبة قلوبنا
اننا نسينا انفسنا
وانشغلنا بغيرنا
دايما شايفين نفسنا بدون عيوب
وغيرنا كلهم ذنوب
احنا دايما اولياء الله الصالحين
وغيرنا هم الشياطين
دايما شاغلين عقولنا وعيونا بغيرنا
وعمرنا مافكرنا في حالنا
نسينا ان ربنا قسم بينا كل شئ بميزان حساس
وعمره ما فرق بين الناس
وكل واحد واخد نصيبه بعدل
ده واخد صحة وعيال
وده واخدة مال
وغيره نصيبه راحة بال
مافيش حد ناقص مثقال
لكننا طبعا عمرنا ماعجبنا الحال
ودايما عيونا علي اللي في ايد غيرنا
بنحسد صاحب المال علي ماله
والله وحده اعلم بحاله
بيتمني يكون عندنا ضعف ماله
وهو موش أد اهواله
ودي بتحسد دي علي جمالها
ودي بتحسد دي علي زواجها
بتقول في نفسها ده انا احسن منها
وياريت اكون انا في مكانها
يمكن ربنا مخبي لها سعادة وفرح ماخطر علي بالها
يا بنتي
الله وحده اعلم بالخبايا
لكل شيء ثمن مدفوع
الحل يا بنتي
كل واحد ينشغل بحاله
يرضي باللي في ايده
لو رضي ربنا هايزيده
وكل اقدار الله خير
بلاش نشغل بالنا بالغير
عارفة يابنتي
عايزين نزرع بذور الخير
وننزع من قلوبنا الشك والغدر
نفرح لفرح اخوتنا
نراعي حق الاخوة والصداقة
نعامل الناس زي مانحب يعاملونا
نحفظ السر
نتعامل بطهر
ننزع من قلوبنا اي شر
دايما نمشي في النور
يابنتي
كلنا بكرة هانقابل القهار
ومافيش غير مكان من اتنين
يا جنة تجري من تحتها الانهار
يا نار السعير
يابنتي
عايزين ننشغل بأنفسنا
نحس بغيرنا
نرحم بعضنا
نقرب من ربنا
وقتها
هايتغير حالنا
ويبقي مافيش مكان للغدر ولا الطغيان
والكذب مش هايكون له مكان
الحب هايكون هو العنوان
وزي ربنا ماقال في القران
هل جزاء الإحسان الا الاحسان
وزي ماقال المصطفي العدنان
اعمل ماشئت كما تدين تدان
اعقل يا انسان
ارحم من في الارض يرحمك الرحمن
صبري حسين
ليست هناك تعليقات:
إرسال تعليق