............
عمر بنحيدي
..............
قصيدة. زجلية : برّٓقْ ما تقشع.
« استهلك قبل ما تْهْلٓك»
الصلاحية؟
ديما هي هي.
كلما طالت المدة
زادت اللذة
واش هاد الغُدّٓة!
ذوقْ بٓعْدا
دير النية
ونعس مع الحية
ما تكلم
زيد زعم
تاكل اللحم
المنتوج بلدي
شجعو أولدي.
أشنو! حامض؟
انت اللي حامض
و غامض
سٓمِّ الله وكول
اللي ماقتلت تسمن
كول ولا تتغبن
جبد خلص
ولآّ تنعس علٓ. . الدص
كون على بال
يمكن يتخبلو الخيوط
باراك يا لولاد
لاتزيدو لعواد
كاينين صحاب لخواض
يُوكْلُو لعنكبوت
أوراق التوت
بيو و طري هاد التوت
لٓجّٓمْ لسانك
قبل ما يفوت الفوت.
هادا زمان كورونا
و قيلا فيه قولبونا
غادي تمشي الجايحة
و تبقا الريوس دايخة
مابين الصمت حكمة
والسحاب ف. السما
وبٓرْٓقْ ما تقشع يا ولد مّٓا
الله يخرّٓج الطرح بسلام.
عمر بنحيدي 1/5/202
ليست هناك تعليقات:
إرسال تعليق