...................
محمود حسين حنفي
...............
بدري عليك
بدري عليك الهم
كنت باقول لك تهم
معرفش ان الحكايه
خلصت ودي النهايه
كان قصدي اعلمك
على الدنيا افهمك
دروس الدنيا صعبه
حياه ما بقتش سهله
اسالني و افهمك
كان نفسي اعلمك
بدري عليك الحمل
تشيل زي الجمل
كنت باقول لك تابعني
ما اقصدش ان تيبعني
من صغرك وانت عارف
اني في حياتي بطوف
والدنيا علمتني معرفش طريق الخوف
وكمل في الحياه وتحدي كل الظروف
مع اني شلت حمل في صغري وتعلمت
ما كانش في نصيحه من حد وانا كملت
حملي في زماني كان جبل ثقيل عليه
بفضل من الرحمن خلاه اسهل شويه
كان عندي قوه اراده اتحدى كل الظروف
يتيم من صغر سني واستحملت الظروف
و علمتني الحياه اكمل المشوار
و أدوس على الصعب وامشي حياتي بأنتصار
بفضل الله عليه
تعلمت من الحياه
شهادات وحرفه كمان
هداني بيها الرحمن
علشان عشت حياتي
توكالي على الرحمن
كمل حياتك يا ابني
مقصدش تزعل مني
لو شدت الحياه
خليك انت اقوى
مش ذنبي ان الحياه
تبعدك عني لحظه
هدعي لك طول حياتي
اني اشوفك بطل
تقف في الحق راجل
رافع راسك جدع
وأتحدي كل الظروف
لو حتى هتتوجع
وقل يا رب دائما
وفقني يا رحمن
بقلم الشاعر/ محمود حسين حنفي
ليست هناك تعليقات:
إرسال تعليق