..............
بوسبولة المحجوب
.............
//////+++ يااهل الله +++//////
يااهل الله راني عيان
لحوال سيادي وتلاقي
يجمعنا عشق هذا الديان
وعبادة ربي تحل وثاقي
لاتغلقوا عليا هذا الباب
وكبر امعاكم حب ربي
درتكم ليا سر وعزلحباب
عذروني يالعارفين حبي
هاني جاي ياحفيد المخثار
لمسافة تقراب وتسهال
جاي لارض الشرفة لبرار
نوصل لمكان يرتاح البال
صوفي شيخي روح الثرعة
ها بابكم ياحبابي مفتوح
يالراقدين في ديك البقعة
ربي العالي يشفي مجروح
حب ربي في صدري قلادة
عشقو حاجة يبرد ناري
والحي الباقي تردادة
مسموعة ليلي ونهاري
يالذاكرين ربي ف المجمع
ياداقين بابي بالرحمة
لعيون في حب الله تدمع
يارفاق البسمة والحكمة
بالله يالشيخ فيه الراجة
لادزوني ياسر العارفين
غير الله ماكاين حاجة
ف مقامكم ياشيخي زايرين
ها هذا المرض عليا طال
اعصى على الفقهة والسادات
راني ماعارف هذا الحال
والمرض وصلني لمقامات
مرضي ماعرفو ليه دوة
حال داني للاولية
ماشافو اسكانير بعدة
هذا حكم مول لعطية
//////+++ بقلم صقر الحروف الزجال بوسبولة المحجوب
ليست هناك تعليقات:
إرسال تعليق