.........
حميد النكادي
...............
كلمة زمان
كانت الكلمة
ليها شان
عند ناس الكلمة
ناس زمان
إلا تكلم حكمة
تزرع فدان
ولا عاهد
مايخلف ميزان
مهما طرا وجرا
يحسسك بالأمان
مشات دوك ليام
ؤمشاو معها قومان
مشات العشرة
والجورة والاحسان
بقا النفاق منور
لمنكر ولعصيان
هذا ما يشوف فهذا
لي غفل يتعجن
ؤيتطرح فالفران
يكلوه سخون
ماكلة الفيران
زمان واش من زمان
مالقينا فيه راسنا
السبع فينا عايش حيران
ؤداك الخنفوس بوجعران
ماهاز هم يكور لي كان
حميد النكادي 2\11\2019
ليست هناك تعليقات:
إرسال تعليق