...............
........
هاجر عوني
............
حوار بين ضحكة ودمعة
الضحكة:
_ مالك يا دمعة
ديما على الخدود سايلة
في القلب حزن
وللهموم شايلة
تخبي وجعتك
وعن آهاتك مش قايلة
الدمعة:
_ يا بختك ضحكتك
في السما عالية
منورة كل الوشوش
ومن الحزن خالية
الضحكة:
_ سيبك من المظاهر
دي كذابة وخداعة
ياما ناس ضحكتها
مالية الوش
ومن جوا القلب ملتاعة
العين بتنزل دمع
والضحكة في الآذان سماعة
الدمعة:
_ أنا حبيت من زمان
وقلت أفرح
بس ما لقيت
في المكان مطرح
وفضلت أجمع في الجراح وأطرح
والدمع سايل على الخدود يسرح
الضحكة:
_ حِبِّي كمان وخلي العيون تفرح
وداوي بالهوى القلب إلي انجرح
ارقصي
اعشقي
وخلي الدموع تنزل للفرح
دا الحزن قاتل ولعين
يا ما جربته من سنين
كنت وردة في بستان العاشقين
واتذبحت منهم بسكين
وبقت العين تدمع والقلب حزين
اضحكي، اضحكي
خلي القلب يفضل شباب
افرحي، وفرحي معاك الأحباب
وخلي الضحكة تفتح الأبواب
الدمعة:
_ خلاص مش حأخلي دمعتي
تنزل سيالة
حتكون بس للفرح ميالة
تعالي نتجمع مثل الخيالة
دموع فرح وضحك فرح
دواء للقلب الي انجرح
بقلم هاجر عوني
ليست هناك تعليقات:
إرسال تعليق