...............
سيد الحفناوى
.................
***الزواج ***
قالو اتجوز بدرى وخلف
انت خلاص دلوقتى مكلف
اصل العمر بيجرى بسرعه
حتى مالوش فى حياتنا محطه
***********
روحت لابوها وقلت ياعمى
جا الوقت انى اتاهل
انت تشاور وانا اتحمل
واحفظ ودك وابقى قريب
********
قالى البنت دى عندى غاليه
وفى تعليمها دايما عاليه
لو يوم منك جات غضبانه
اكسر دهرك زى الزانه
*******
قاله دى بنتك زى النسمه
من اليوم هتكونى البسمه
لو اشتكت منى فى مره
ابقى قليل الاصل وعره
*******
قال الشقه تكون وحديها
والشغاله ملك ايديها
بنتى على العز مربيها
وانت من بعدى تكفيها
******
قاله ياعمى الحال ال القد
وانا ما بسرق من جيب حد
وانا طول عمرى زى السد
والدنيا دايما ذالانى
******
قاله كفايه لت وعجن
ال عندى خلاص انا قلتله
بنتى ياخدها ال يقدرها
وانت روح خدلك هنديه
********
جات البنت بكل لباقه
كانها اجمل ورده فى باقه
قالت يا ابا خف شويه
الدنيا علينا معديه
*****
قاله خلاص جهز لى الشقه
وانسى كل شروطى الصعبه
انتو و بنتى تبنو حياتكم
واحنا الدنيا كده مفارقنها
كلمات /سيد الحفناوى
ليست هناك تعليقات:
إرسال تعليق