...............
هاجر عوني
............
آه يا دنيا
يا دنيا شفنا فيكِ حكايات
وياما هانشوف
الغدر وقلة المعروف
كثرت عليكِ الايادي
والطعن بقى بالمكشوف
كل واحد ماسك
فيكِ يا دنيا
ويقول سامحيني
ظروف
الخوف مش منك يا دنيا
الخوف من الناس
الي ما بتروف
يا دنيا دواره
على الوجوه المحتاره
و الايادي الغدارة
من غير كسوف
المناصب،
عليها الكل ملهوف
إيد تنهش إيد
من غير خوف
الغلابى فيكِ
صفوف، صفوف
ناس ليكِ جاية
ومنك رايحة ألوف
إيد تمسك إيد
وإيد تقطع إيد
وإيد تحسن المعروف
آه يا دنيا
ياما شفنا فيكِ حكايات
وياما هانشوف
بقلم هاجر عوني
ليست هناك تعليقات:
إرسال تعليق