ديوان أكاليل الإلكتروني لسفراء القلم

..........

هذيان قلم :

: محفوظ البراموني :

............

آه و ألف آه يا ناس ..

إسمعوا حروف لها إحساس ..

ف ناس و ناس ..

ناس ..

مش زى ناس ..

أبيض إسود محتاس ..

مش عارف لونه بين الناس ..

رمادي ممكن شيطان وسواس ..

ناس ..

ملايكة جنود ل الأحساس ..

ليهم ريحة جميلة ب طعم الأناناس ..

بريقهم لامع ساطع بارع فارع ك الماس ..

تنشر بسمة البهجة و المهجة ل الناس ..

ناس ..

ولاد أبلسة معجونبن من النحاس ..

عايشين لكن مغيبين من الأساس ..

غافلين من مفاجأة مأساه نهاية الأنفاس ..

لما تشوفهم يبقا نفسك تدوسهم ب المداس ..

و تضربهم ضربة قاضية ع الآفة و الراس ..

و تفجرهم و تقطعهم ل قطع ب الفاس ..

ناس ..

عايشين أيامهم ..

طيبين يمسكوا التراب ..

يبقى أغلى من جمال الماس ..

وشوشهم منورة ..

ب أنوار الرضا كلهم إحساس ..

ناس ..

عايشين ف حياتهم ..

طمعانين طلعوا ع أكتاف الناس ..

وشوشهم منحوسة ..

ب نحس ميؤس مفيش إحساس ..

ايوة الدنيا كلها ..

ناس و ناس ..

ناس ..

طيبة عايشة ..

ب روعة جمال الإحساس ..

قنوعة ليهم وشوش ..

ب تنور حياة كل الناس ..

إتخلقت علشان ..

يعيشوا ع الأرض اولاد ناس ..

لو قابلتهم ..

إمسك فيهم مكسبهم ابدا لا يقاس ..

خلقهم ربنا ب قلوب ..

طاهرة طيبة لا تعرف وسواس ..

الدنيا كلها ..

ناس و ناس ..

و طول ما إحنا عايشين هنقابل ..

ناس و ناس ..

هذيان قلم :

: محفوظ البراموني :