....................
...... حسنى امين......
...................
عينيه مغرغرة وكرامته عزه عليه
يادوب بقوله مالك نزلت دموع عينيه
فى ايه ياعم الحاج بتترعش كده ليه
قلبى طبطب عليه وقعدت اترجى فيه
هم الغلابة كده يبقى مش لاقى اللضا
ومايمدش ايديه...!
دى حاجة مؤكدة ولا انت فاكر ايه
بالله قولى مالك احنا زى عيالك
اطلب اى حاجة من عيني اجبهالك
فكرتنى بأبويا كان طيب زى حالك
بص فى عينيا ودموعه حيرانة
مكسوفة تنزل منه بكى الرجال اهانة
قالى كبار السن فى بلادنا متهانة
مش لاقية قلوب تحن وتحفظ لها المكانة
كله منفض لها تقولشى ناس جربانة
بيدونا ملاليم ويكلمونا بالسيم
لو جهلة مش عارفين ماخوناش الأمانة
من حقنا معاش عيب ماتشحتناش اتذلينا ياما
اسألوا الناهبين وعلى قلبهم ياما
المال ده يخصهم ولا ضاعت الأمانة
خلتنى احكى ليه اللى بيتكلم بيتحط عليه
وانا جتتى بتتألم وهمى لربى شاكيه
...... حسنى امين......
ليست هناك تعليقات:
إرسال تعليق