......................
حماسي عزيز
.....................
السلامه ياربي السلامة
هجرنا لهنا ولفراح
غابت علينا لبتسامة
دموعنا تعمر لقداح
تروي الأرض العطشانة
وقلات منا لفهامة
كلها تندب بالويل
ولا حققنا حلامة
الجبهة ولسان الطويل
ولا فادتنا زعامة
لحمامة رجعت غراب
والنسور فوقها حوامة
خافوا منا ندويوا
لبسونا لنا لكمامة
زادوا ف ظلمهم وطغاوا
ونساوا يوم القيامة
جهلوا يوم الحساب
يوم ما تنفع اندامة
سبقونا بخيب لفعال
حسنوا لنا بلا ما.ء.
ركبوا عنادهم وقساوا
خلقوا فينا لقجامة
جمارهم ما عادوا طفاوا
حر كلامهم جهنمة
حرقوا النسخة والكتاب
تركونا ف الدنيا يتاما
جردونا من لنساب
لاحونا ف الدوامة
حشوا لوطى وشعاب
لا زعتر ولا خزامة
سهول وجبال وهضاب
قبايل ودشور مظلامة
من كلام الكَاشوش
بقلم حماسي عزيز
ليست هناك تعليقات:
إرسال تعليق