..................
( الحساني عبد العزيز )
......................
.... طلقها تسرح ....
مالك أخويا هاز الدنيا منين تقالت
واش قادر تقاد لحيوط إلى مالت
ولا ترجع الدمعة للعين إلى سالت
ولا ترجع الزين للوردة إلى ذبالت
مصاحب الندامة ..
أو عايش فدوامة ..
أو مقابل لماج واش باقيا ما هاجت
ساد على راسك بين لحيوط ..
ما سامع براول ما حافظ عيوط ..
أو مسني صوت موكة إلى صاحت
مالك أخويا هاز الدنيا منين تقالت
عياك التفكير .. فهموم الغير
العين محلولة أو لقلب ضرير
أو مقابل الناعورة شحال من دورة دارت
اطلق العقدة .. ليوم قبل من غدا
أو دوق لعسل من شهدة
أو خرج تشوف الدنيا شحال زيانت
طلق العين تسرح
أو باركة ما تفسر أو تشرح
راه الشمس لي غربات لبارح ليوم بانت
وانت باقي هاز الدنيا منين تقالت
يالله واعدني ...
أو خرج تشوف الدنيا شحال زيانت .
( الحساني عبد العزيز )
ليست هناك تعليقات:
إرسال تعليق